Музыка

Dzieciuki. Гарадзенскі гармідар
zoom Павялічыць малюнак

Dzieciuki. Гарадзенскі гармідар

20,00 p.
Колькасьць: 

 

Гурт Dzieciuki зьявіўся пару год таму, а ў яго склад увайшлі музыкі з розных знакавых гарадзенскіх гуртоў. У 2012 годзе музыкі выдалі дэбютны EP «Гарадзенскі гармідар». Такую ж назву атрымае і першы паўнафарматны альбом.

— Эпішка нічым прынцыпова не адрозьніваецца ад альбому, яна была проста папярэдніцай. Усе чатыры песьні, якія былі на ёй прэзэнтаваныя, увайшлі ў альбом. Таму і назву не было сэнсу зьмяняць, — распавёў у інтэрвію Tuzin.fm адзін з вакалістаў гурта Алесь Дзянісаў. — EP меў на мэце пазнаёміць з зусім новым гуртом. Назва была прыдумана выпадкова, але для альбому яна падыходзіць найлепей. Канцэптуальнай працы не атрымалася, як плянавалася. Мы творчыя людзі, таму ў які бок пёрла — тое і рабілі. Тут вам і гісторыя, і алькаголь са спортам, гастарбайтары і панкі на танках — сапраўдны гармідар!

Каманда пазыцыянавала сябе ад пачатку, як асьветніцкая фольк-панк брыгада. Але паступова ў рэпертуары сталі зьяўляцца песьні на іншую тэматыку, а таксама вольныя пераасэнсаваньні некаторых вядомых песень. Усяго ў «Гарадзенскі гармідар» увайшлі 11 кампазыцый. Але два гатовыя творы, якія стала прысутнічалі ў канцэртным трэк-лісьце на дыск не трапілі: інструмэнтальную кампазыцыю «Operation Ivy» гарадзенцы не плянавалі зусім уключаць у альбом, а кавэр на песьню Ежы Філаса «Чорны хлеб і гарбата» вырашылі перакінуць на наступны рэліз. Гурт ужо мае матэрыял для новай праграмы, але праца над ім вядзецца марудна.

 

Трэк-ліст:

1. Мужыцкая праўда
2. Хлопцы-балахоўцы
3. Сумнае рэгі
4. Косю
5. Лясныя браты
6. Карчма
7. Частуханы
8. Забытая магіла
9. Песьня пра гарадзенскага гастарбайтэра
10. Нашыя танкі
11. Па гарах

Музыка: 1—9 — Dzieciuki, 10 — Захар Май, 11 — The Real McKenzies
Cловы: 1—4, 6—8 — Дзяніс Жыгавец, 9, 11 — Алесь Дзянісаў,
5 — Аляксей Дзікавіцкі, 10 — Захар Май (вольны пераклад: Алесь Дзянісаў)

Dzieciuki:
Дзяніс Жыгавец — вершы
Павал «Трабл» Трублін — вакал, лепельская дуда, бэк-вакал
Алесь Дзянісаў — вакал, акустычная гітара, губны гармонік (7), бэк-вакал
Лёха Пудзін — гітара
Мікола «Калямба» Палякоў — акардэон, тамбурын, бэк-вакал
Андрэй «Пітон» Пятко — бас, бэк-вакал
Саня «Сыр» Сыраежка — бубны
У запісе прымалі ўдзел:
Кастусь «Кастэла» Путронак — вакал (4), бэк-вакал
Васіль «Хиппарь» Валошчык — індыйская флейта (4)
Андрэй Пудзін — гітара (7) 

Запіс зроблены на студыі «Эверест» (Менск)
Запіс: Стыў Крамэр
Зьвядзеньне ды майстэрынг: Паша Сініла

Ідэя вокладкі: Вера Стома
Мастак: Вера Стома

Copyright MAXXmarketing Webdesigner GmbH